വിശുദ്ധിയും വിജ്ഞാനവും സമഞജസമായി സമ്മേളിച്ച ആചാര്യ ശ്രേഷ്ഠനായിരുന്നു ദൈവദാസനായ കനീസിയൂസച്ചന്‍. 1914 മെയ് 12 ന് തൃശ്ശൂര്‍ ജില്ലയില്‍ ആനന്ദപുരത്ത് തെക്കേക്കര പൊതപറമ്പില്‍ ലോനപ്പന്‍റെയും ഭാര്യ മറിയത്തിന്‍റെയും മകനായി കനീസിയൂസച്ചന്‍ ജനിച്ചു. ദൈവേഷ്ടം-അത് മുഴുവന്‍-അത് മാത്രം എന്നതായിരുന്നു മാതാപിതാക്കളുടെ ആദര്‍ശം. ഈ ജീവിതദര്‍ശനം തന്നെയായിരുന്നു കനീസിയൂസച്ചന്‍റെ ആപ്തവാക്യം. പ്രാഥമിക വിദ്യാഭ്യാസത്തിനുശേഷം സി.എം.ഐ സഭയില്‍ 1936 നവംബര്‍ 24-ാം തിയ്യതി ആദ്യ വ്രതം അനുഷ്ഠിച്ചു. കോട്ടയ്ക്കല്‍ (അമ്പഴക്കാട്) കോവേന്തയില്‍ പ്രാഥമിക സന്യാസ പരിശീലനവും പൂര്‍ത്തിയാക്കി. 1942 ഡിസംബര്‍ 21-ാം തിയ്യതി പൗരോഹിത്യവും സ്വീകരിച്ചു. ഉപരിപഠനം ശ്രീലങ്കയിലെ കാന്‍ഡിയിലും റോമിലും നടത്തി. വിശുദ്ധഗ്രന്ഥ പഠനത്തില്‍ 1952-ല്‍ ഡോക്ടറേറ്റ് നേടിയ ജ്ഞാനിയാണ് ദൈവദാസനായ കനീസിയൂസച്ചന്‍. ഉത്തമډാരായ ഗുരുക്കډാരുടെ ശിഷ്യത്വവും മാതൃകയും വിശുദ്ധിലും വിജ്ഞാനത്തിലും വിനയത്തിലും വിശ്വസ്തതയിലും അദ്ദേഹത്തെ വളര്‍ത്തി ഉയര്‍ത്തി.സി.എം.ഐ സഭയില്‍ വിശ്വസ്ത സേവനരംഗങ്ങളില്‍ ജ്വലിച്ചു നിന്നിരുന്ന സഭാശുശ്രൂഷകനായിരുന്നു ദൈവദാസനായ കനീസിയൂസച്ചന്‍.